Galicia recibe 80.442 turistas internacionais en febreiro, un 0,8% máis
Por E.P. | SANTIAGO DE COMPOSTELA | 02/04/2025 | Actualizada ás 11:14
Galicia recibiu 80.442 turistas internacionale sen febreiro, un 0,8% máis que no mesmo mes do ano anterior, segundo os datos que publica este mércores o Instituto Nacional de Estatística (INE). A maior parte (máis de 50.000) aloxáronse en establecementos de mercado (uns 45.000 en hoteis), mentres que case 28.000 fixérono en aloxamentos non de mercado (unhas 21.000 vivendas de familiares ou amigos).
Por ruta de entrada, uns 60.000 turistas elixiron a estrada e algo menos de 20.000 optaron polo aeroporto. Case todos se desprazaron a Galicia por motivos de lecer, recreo e vacacións (45.661) e sen paquete turístico (case 75.000).
No conxunto estatal, España recibiu o pasado mes de febreiro un total de 5,4 millóns de turistas internacionais, un 7,7% máis que no mesmo mes de 2024 cun gasto que superou os 7.260 millóns de euros un 7,6% máis, segundo datos do Instituto Nacional de Estatística (INE) feitos públicos este mércores.
