Noriega aposta por ampliar as confluencias electorais coa incorporación de IU
Tamén avoga por abrir En Marea a novos colectivos e por transformalo nun partido para ter, dixo, "un espazo político propio" no Congreso.
Por Galicia Confidencial | Compostela | 27/04/2016 | Actualizada ás 14:24
A posiblidade de que Izquierda Unida (IU) forme parte da confluencia electoral na que participiou En Marea, Podemos, Compromis e En Común Podem nas pasadas electorales comeza a coller forma. De feito, en Galicia, dirixentes das mareas non ven con malos ollos esta posibilidade.
"Sería tamén unha gran noticia que no resto do Estado a confluencia, dalgunha maneira, aumentase; falo directamente da colaboración do espazo de Podemos e do espazo de Izquierda Unida", dixo este mércores o rexedor de Compostela, Martiño Noriega.
En declaracións aos medios despois de chegar da súa viaxe a Arxentina con motivo da Feira do Libro de Buenos Aires, Noriega apostou claramente por aumentar a confluencia en Galicia, Cataluña e Valencia, pero tamén a nivel de Estado, se se repiten as eleccións xerais.
"De conseguir esa confluencia entre Podemos e IU en Madrid estaríase en disposición de verdadeiramente acabar con este 'impás' e de abrir, polo tanto, unha nova etapa", dixo. Un entendemento que tamén fixo estensible a Galicia xa que, suliñou, "hai que perfilar os espazos de confluencia que se deron" e "melloralos na medida das posibilidades".
Neste sentido, apostou tamén porque Galicia estea representada en Madrid con "espazos políticos propios" e por iso --aínda que non o dixo claramente-- non vería con malos ollos que En Maria se constituíra como partido para ter grupo propio no Congreso. Por iso, incidiu en que se un partido instrumental facilita ese espazo propio, "e hai prazos, tempos e viabilidade" para iso, é un camiño que se debería explorar e estudar.
"Trataríase ademais dunha constitución que sacaría determinados debates do taboleiro, aínda que é un tema do que a min non me toca máis que dar a miña opinión", engadiu.
Por outra banda, non se mostrou favorable de abrir primarias para elixir novos candidatos a esas eleccións se son convocadas porque, lembrou, que o espazo de confluencia "en canto a referentes" foi ratificado "hai pouco" por "400.000 galegos", polo que non cre necesario ese debate, polo menos, no marco das eleccións estatais.EFE
