Os fascistas atacan o Ateneo Libertario Xosé Tarrío da Coruña
Nas fiestras e muros do local había esvásticas nazis pintadas e vivas a Franco e España.
Por Galicia Confidencial | A Coruña | 05/07/2016 | Actualizada ás 13:00
Aconteceu hai uns días, pero os membros do Ateneo Ateno Libertario Xosé Tarrío da Coruña non acaban aínda de entender o por que do ataque fascista que sufriu este centro a pasada fin de semana.
A fachada do local apareceu cuberta de pintadas fascistas, o nome do Ateneo tachado, dúas esvásticas pintadas, vivas a Franco, a España e a Jose Antonio. Todo estaba pintado con spray vermello nos dous muros que dan a rúa.
Este espazo, que abriu as súas portas hai pouco máis dun ano coa intención de 'erixirse en ferramenta do movemento contestatario e rebelde dá cidade', organiza actividades culturais e de autoxestión durante todo o ano.
Tras o ataque, os integrantes do Ateneo xa iniciaron os labores de limpeza, que afectan a todas as paredes, portas e xanelas. A súa idea é volver pintar o local a semana que vén.
