Unhas excursionistas estranxeiras pérdense no Monte Pindo

Tres excursionistas, dúas mulleres e un neno, perdéronse este sábado no Monte Pindo, en Carnota, o que obrigou a mobilizar unha dotación de Protección Civil. 

Segundo fontes consultadas por GC, foi un particular o que, arredor das 20.00 horas, deu o aviso tras detectar luces no monte e berros pedindo “socorro”. Nese momento activouse un dispositivo de busca.

Esa mesma persoa que deu a voz de alarma foi a que conseguiu chegar ata eles e tamén informar a Protección Civil, que finalmente puido chegar, despois dunha hora e media, ao lugar onde se atopaban. Segundo contaron estaban ben, pero “desorientadas” e entraran en pánico.