Os animalistas cualifican como "absurdas" as propostas da Xunta para reducir colisións con animais en estradas

A Asociación Animalista Libera e a Fundación Franz Weber tacharon de "absurdas" as últimas propostas da Xunta de Galicia para tratar de resolver o problema das colisións con animais en estradas.

Nun comunicado conxunto, os animalistas, "en lugar de seguir lanzando proposicións grotescas", como "fomentar a carne de xabaril entre a poboación, máxime cando nas batidas non existe a presenza de veterinarios que realicen as máis básicas comprobacións", avanzaron a súa disposición a contactar coa Delegación do Goberno na Comunidade para suxerir novas accións de prevención e disuasión".

As dúas entidades puxeron como exemplo medidas tomadas en países como Noruega, Suíza ou Luxemburgo, e propuxeron "xeneralizar a creación de pasos de fauna para animais de diferente tamaño que faciliten o tránsito dos mesmos sen necesidade de invadir a calzada, así como deseñar cintos de vexetación nas vías que sirvan como 'pantalla'".

Tamén apuntaron a posibilidade de "sumar a instalación de sistemas de reflectores naqueles puntos negro de avistamento de fauna, así como detectores de movemento que activasen ou ben unha iluminación específica para determinados espazos quilométricos da calzada ou a sinalización adicional con luz que recomende reducir a velocidade".

Estas medidas, segundo os animalistas, "foron testadas tanto en Europa como en América, ofrecendo diferentes porcentaxes de éxito, que non é outro que a redución do número de accidentes, co consecuente menor número de vítimas, tanto humanas como animais".

Aprova interpón dous denucias por dar morte a jabalíes con porteiros.. APROVA | Fonte: Europa Press