C's urxe un plan "sólido" que garanta o emprego en Alcoa, "un polo industrial esencial"

O candidato de Ciudadanos para o Congreso pola provincia de Lugo, José Manuel Blanco, advertiu de que Alcoa é "un polo industrial esencial" para Galicia. Por iso, urxiu un proxecto "sólido" que garanta o emprego. 

Este xoves acompañou os traballadores na súa manifestación en Madrid, xunto a Marta Rivera, candidata pola Coruña. "Foi unha viaxe moi intensa no que me contaron o día a día da planta, as súas preocupacións, as súas necesidades e a angustia que están a pasar moitas familias", afirmou.

Engadiu que "non pode facerse caso omiso a ese sentimento e que os poderes lexislativo e executivo teñen que responder xa a ese problema".