Como rematar cos estereotipos de xénero no ámbito laboral

Un grupo de mulleres galegas, líderes nos seus respectivos sectores, percorren diversos centros educativos como parte do programa 'NIN + NIN -, IGUAIS', no que conciencian aos novos alumnos a través da súa experiencia sobre a problemática dos estereotipos e roles de xénero no ámbito laboral.

A secretaria xeral de Igualdade, Susana López Abella, desprazouse este mércores a un dos dez encontros planificados, en concreto no IES A Pinguela de Monforte de Lemos (Lugo), onde os estudantes puideron coñecer a Ana M. Corredoira, bióloga de formación e gandeira que está á fronte dunha moderna granxa de explotación ecolóxica.

Alí, as relatoras trasladaron a "discriminación" que sofren as mulleres en moitos ámbitos, pero "principalmente no laboral", tanto pola brecha salarial como polo chamado "teito de cristal" que lles dificulta á hora de sacar adiante a súa carreira profesional".

Traballadoras galegas de diferentes sectores conciencian nos centros sobre os estereotipos de xénero laborais. CEDIDA | Fonte: Europa Press