Sociedade Xitana en Galicia denunciará aos medios que denominen como "autoproclamado" ó Rei dos xitanos

A Sociedade Xitana en Galicia avisou que denunciará aos medios de comunicación que falen "de forma despectiva ou digan a palabra autoproclamado" facendo referencia á elección do suposto novo Rei dos Xitanos en Galicia, Sinaí Giménez.

"Calquera medio de comunicación que fale de forma despectiva ou diga a palabra autoproclamado será denunciado ante os tribunais e levaremos a cabo unha campaña social contra eses medios decomunicación por discriminadores", dita un comunicado enviado pola sociedade.

É por iso, que pediron "respecto" ao acordo das distintas organizacións sociais, consellos de anciáns e organizacións empresariais que "certificaron de forma unánime e maioritaria, dentro e respectando os apartados que marca a Constitución" a elección de Sinaí Giménez como o novo Rei dos Xitanos de Galicia.

Ademais, lembrou que o próximo 1 de xullo celebrarase o xuízo polo que "agrediron" a Sinaí Giménez e á súa nai, entre outros, ao que irán "polo menos 500 persoas" para apoialos, posto que a agresión é "algo moi mal visto" na contorna social xitana.

"Verase apoiado polo menos por 500 persoas que acudirán desde distintos puntos da Comunidade Galega, todos xitanos galegos e portugueses, incluídos os xitanos do Bao, onde Sinaí conta con practicamente o 90% do apoio, que son familiares directos", puntualiza o comunicado.

Sinaí Giménez nun acto de protesta en Vigo | Fonte: vigoalminuto.com