A Xunta quere tomar o pulso da emigración galega en Euskadi
O secretario xeral de Emigración pídelles aos emigrantes que se somen á Irmandade de Centros Galegos en Euskadi.
Por Europa Press / Redacción | SANTIAGO DE COMPOSTELA | 13/08/2019 | Actualizada ás 19:13
O secretario xeral de Emigración, Antonio Rodríguez Miranda convida os galegos do País Vasco a "seguir sendo exemplo de unidade fóra de Galicia" e a sumarse á Irmandade de Centros Galegos en Euskadi.
Así, Miranda mantivo este martes unha reunión coa presidenta da Irmandade, Pilar Rodríguez, a quen suxeriu "seguir traballando" conxuntamente. Ademais, felicitou á organización polo seu "permanente labor" por establecer vínculos de "cooperación e solidariedade" entre entidades.
Pola súa banda, tal e como indicou a Administración autonómica nun comunicado, a Irmandade de Centros Galegos en Euskadi xa acolle a unha decena de entidades galegas.
Nese sentido, o responsable do departamento autonómico fixo fincapé en que preto de 42.000 persoas nadas en Galicia actualmente viven na rexión euskaldunak.
Así, aproveitou o encontro para repasar os proxectos máis inmediatos da entidade para o próximo ano. "O Consello será, unha vez máis, un escenario inmellorable para seguir avanzando coa colectividade nos temas e nos retos que temos por diante", indicou.
