Marea Atlántica pide ao goberno local que investigue "as responsabilidades" no antigo edificio de Fenosa
O concelleiro Xiao Varela convida á alcaldesa, Inés Rey, "a cumprir as súas promesas de campaña cando chamaba a depurar responsabilidades e terminar a investigación desta licenza ilegal"
- Xulio Ferreiro abandona a primeira liña política tras perder a Alcaldía da Coruña
- O PP coruñés denuncia o "abandono" da Cidade Vella e preguntará sobre o plan para a súa "revitalización"
Por E.P. | A CORUÑA | 11/11/2019 | Actualizada ás 18:53
Marea Atlántica instou ao goberno local coruñés a que "cumpra o acordo de mediación que permitiu resolver o conflito xudicial" sobre o antigo edificio de Fenosa "e continúe coa investigación de responsabilidades" tras as indemnizacións a cargo do concello pola xestión urbanística cando gobernaba o exalcalde Francisco Vázquez.
"Non só está obrigado a facelo pola letra do acordo de mediación, senón tamén pola Lei de Réxime Xurídico do Sector Público", recalca ao consistorio coruñés.
En concreto, o concelleiro Xiao Varela convida á alcaldesa, Inés Rey, "a cumprir as súas promesas de campaña cando chamaba a depurar responsabilidades e terminar a investigación desta licenza ilegal", recalca.
Por outra banda, Marea Atlántica subliña que foi durante o seu mandato cando "se resolveu o desastre urbanístico do edificio, ao que se lle outorgou licenza a pesar de non respectar a normativa urbanística", recalca.
