O ex alcalde socialista da Coruña: "do PSOE só quedan as siglas"
Súmase as críticas doutros ex dirixentes socialistas en contra do pacto entre o PSOE e Unidas Podemos.
Por Galicia Confidencial | A Coruña | 30/11/2019 | Actualizada ás 13:22
O histórico alcalde socialista da Coruña Francisco Vázquez considera que o actual PSOE "hoxe é un partido distinto", que unicamente conserva as siglas pero que "non ten nada que ver co Partido Socialista Obreiro Español, xa non só que encabezou Felipe González e Alfonso Guerra", senón co que representou historicamente ese partido na esquerda española e á esquerda europea".
"É un partido novo, totalmente diferente", dixo do PSOE o exembajador de España na Santa Sé nunha entrevista en Radio Galega, e reclamou un acordo de Estado entre as forzas constitucionalistas para evitar que a investidura do presidente do Goberno dependa dos votos de partidos independentistas.
Vázquez afirmou que "o que está a suceder en España é moi preocupante, porque en menos dun ano está a derrubarse totalmente este proceso de reconciliación e progreso que marcou a Constitución de 1978.".
"Está a facerse -dixo- cunha gran frivolidade, mirando para outro lado, cunha venda nos ollos, pensando que as cousas se resolverán por si soas, o cal alenta aos independentistas". Deputado nas Cortes Constituíntes, Francisco Vázquez di que "non se pode pretender negociar cun partido que ten aos seus dirixentes no cárcere condenados por sedición, posto que este partido impulsou un golpe de estado hai pouco máis dun ano en Cataluña".
Moi crítico con deriva do PSOE, considera que "hai un pacto soterrado xa de hai meses do PSOE con ERC a través do PSC".
