CXT alerta de que o peche da venda de billetes de tren en oito estacións afectará a máis de 120.000 viaxeiros

O sindicato CXT alerta de que a decisión de Renfe-Viajeros e Adif de pechar os servizos presenciais de venda de billetes de tren en oito estacións galegas afectará a máis de 120.000 viaxeiros.

Nun comunicado, reclama que se manteñan os servizos nas estacións de Guillarei, Redondela, O Carballiño, Sarria, Ribadavia, Ortigueira, Burela e Viveiro, en favor "da calidade" do servizo para os usuarios.

A modo de exemplo sobre as complicacións que se van a producir por estes peches sinala que a estación de Sarria aumentou un 40% o número de viaxeiros entre 2016 e 2018, ao pasar de 38.921 a 54.283 viaxeiros.

Tren c. RENFE - Arquivo