Condenan ao Santander a devolver o diñeiro investido por un matrimonio coruñés en accións do Popular
Por E.P. | A CORUÑA | 30/01/2020 | Actualizada ás 11:50
O Xulgado de Primeira Instancia número 5 da Coruña condenou ao Banco Santander a devolver a un matrimonio o diñeiro que investira en accións do Banco Popular, segundo informa a firma Solvendi Avogados, que levou o caso.
Trátase de accións compradas antes da ampliación de capital de 2016. No xuízo, o matrimonio solicitou que se declarase a nulidade "por vicio no consentimento ao ser subscritas as accións do Banco Popular con erro invalidante".
Por iso, reclamaba devolución da cantidade pagada na compra de accións, uns 16.610 euros, máis os intereses legais correspondentes.
No seu fallo, a xuíza estima as pretensións dos demandantes xa que entende que concorre "un vicio invalidante na prestación do consentimento" e condena á entidade a devolver a cantidade que reclamaba o matrimonio, máis intereses.
