Morre o condutor dun vehículo que impactou contra un camión en Rubiá
A vítima quedou atrapada no interior do coche, encaixado no camión contra o que chocou frontalmente.
Por Europa Press / Redacción | SANTIAGO DE COMPOSTELA | 12/02/2020 | Actualizada ás 20:50
O condutor dun vehículo faleceu ao impactar frontalmente contra un camión cando circulaba pola estrada N-120 ao seu paso polo municipio ourensán de Rubiá.
O sinistro produciuse ás 19,00 horas deste mércores e requiriu da intervención dos bombeiros de Valdeorras, xa que a vítima quedou atrapada no interior do coche, encaixado no camión contra o que impactou.
Segundo informa o CIAE 112 Galicia, varios particulares puxéronse en contacto coa central de emerxencias para alertar do sucedido. Ademais dos bombeiros, tamén acudiron ao momento efectivos do GES de Valdeorras e axentes da Garda Civil, que se encargaron de xestionar o tráfico e solicitar información sobre o sinistro.
