A Rede de Marea Atlántica busca unha "coalición ampla e plural" para as autonómicas
Queren deixar "todas as vías abertas" para garantir que o municipalismo teña presenza o 5 de abril.
- PP, PSdeG e BNG, forzas que contan con candidato á Xunta á espera do que faga o rupturismo
- Marea Atlántica inicia negociacións con outros partidos para activar a "mareancia"
Por E.P. | A CORUÑA | 13/02/2020 | Actualizada ás 12:42
A Rede de Marea Atlántica fixo un chamamento á "unidade do espazo do cambio" de cara as eleccións autonómicas, segundo informa tras unha asemblea na que acordou deixar "todas as vías abertas para garantir que o municipalismo teña presenza nos comicios do 5 de abril".
En concreto, o máximo órgano de toma de decisións da Marea Atlántica, acordou, nunha asemblea celebrada o mércores, instar á presentación dunha "coalición ampla e plural, na que estean representados, cando menos, os catro grandes eixos das confluencias que naceron en 2015".
"Podemos, Esquerda Unida, Anova e o municipalismo que representan Compostela Aberta, Ferrol en Común, a Marea de Vigo, Ourense en Común, Sadamaioría ou a propia Marea Atlántica, entre outras organizacións", explican.
Respecto diso, insisten en que "o maior respaldo cidadán" ao seu espazo político chegou cando foron capaces "de construír candidaturas amplas e poñer por diante os numerosos puntos en común: defensa dos dereitos sociais, dos servizos públicos, do feminismo e o medio ambiente, e da lingua e a cultura galegas, da transparencia e da radicalidad democrática".
En base a este argumento, Marea Atlántica fai un chamamento a presentar unha "alternativa forte, progresista e galeguista ao esgotado goberno de Alberto Núñez Feijóo que, en tres lexislaturas, se limitou a empeorar os problemas de Galicia".
Finalmente, a Rede facultou á Coordinadora e ao Grupo de Relaccións Políticas para manter conversacións e negociacións nos próximos días co obxectivo de construír unha candidatura. O resultado deste traballo será debatido de novo na Rede a próxima semana, cando tomará unha decisión definitiva.
