Baixa o número de nacementos en Galicia case un 3% durante o terceiro trimestre de 2019
En Galicia non se rexistra un saldo vexetativo positivo desde hai máis de trinta anos.
Por Europa Press / Redacción | A CORUÑA | 24/04/2020 | Actualizada ás 13:46
Os nacementos rexistrados en Galicia no terceiro trimestre de 2019 rexistraron un descenso do 2,56% en taxa interanual, mentres que as defuncións aumentaron un 0,33%, segundo os datos que publica o Instituto Galego de Estatística (IGE) sobre o movemento natural da poboación.
En total, o número de nacementos situouse nese período en 4.106, dos que 2.130 foron homes e 1.976 mulleres. No segundo trimestre, cun descenso interanual do 9,44%, foron un total de 3.848, 1994, homes e 1.854 mulleres.
No caso das defuncións, houbo 7.099, fronte ás 7.427 do segundo trimestre. Dos falecidos, 3.524 foron homes e 3.575 mulleres no terceiro trimestre de 2019 en comparación aos 3.743 homes e 3.684 mulleres falecidas no segundo trimestre. No mesmo, a variación interanual rexistrou un descenso do 3,98%.
Na estatística, recóllense o avance correspondente ao terceiro trimestre de 2019 e tamén os datos definitivos do ano 2018 no que o número de defuncións ascendeu a 32.419, valor moi similar alregistrado no ano 2017.
Por outra banda, o número de nacementos continuou o descenso iniciado no ano 2009 e situouse en 16.560. A diminución dos nacementos acompañado dunha cifra similar nas defuncións provocou unha nova diminución do saldo vexetativo en Galicia, "que pasou de -13.517 no ano 2017 a -15.859 en 2018", recolle o informe.
Nel, sublíñase que hai "máis de 30 anos que Galicia non presenta un saldo vexetativo positivo". Tamén apunta no ano 2018, só 7 dos 313 concellos presentaron un saldo vegetativopositivo. Polo que respecta aos concellos do sete grandes cidades galegas, todos eles presentaron un saldo negativo.
