Amplían o presoal de enfermaría nos PAC de Ourense, O Barco de Valdeorras, Xinzo de Limia e O Carballiño
En resposta a unha pregunta parlamentaria, sinalou que a planificación do persoal da PAC leva a cabo "en función da poboación e das cargas de traballo", e non da equiparación entre persoal sanitario
Por E.P. | SANTIAGO DE COMPOSTELA | 21/11/2024 | Actualizada ás 19:22
O xerente do Servizo Galego de Saúde (Sergas), José Ramón Parada, anunciou este xoves no Parlamento de Galicia a ampliación, con 12 novos profesionais, do persoal de enfermaría nos Puntos de Atención Continuada (PAC) de Ourense, O Barco de Valdeorras, Xinzo de Limia e O Carballiño.
Deste xeito, e no marco da Comisión 5ª de Sanidade, Política Social e Emprego, o responsable do Sergas explicou que desde xaneiro de 2025 estes centros "verán incrementados os seus recursos humanos de acordo á demanda asistencial que rexistran na actualidade".
En resposta a unha pregunta parlamentaria, sinalou que a planificación do persoal da PAC leva a cabo "en función da poboación e das cargas de traballo", e non da equiparación entre persoal sanitario.
Segundo lembrou a Xunta nunha nota de prensa, a área sanitaria de Ourense, Verín e O Barco de Valdeorras conta con 14 PAC, aos que se engaden dúas Zonas Especiais (A Gudiña-Mesquita e A Veiga-O Bolo). Durante a súa intervención, o xerente do Sergas incidiu en que a PAC de Ourense, O Barco de Valdeorras, Xinzo de Limia e O Carballiño "terán unha equiparación completa".
Así mesmo, asegurou que esta área "rexistrou a segunda maior dotación de prazas orzadas destinada á enfermaría da PAC durante o período 2022-2025". En canto aos cómputos de xornada e ás retribucións, explicou que "todas as áreas sanitarias réxense pola mesma normativa".
