Localizan restos óseos humanos en Cerdido, onde se perdeu a pista do mozo desaparecido en Ortigueira
Barallan a posibilidade de que se trate de Yago de la Puente, cuxa pista se perdeu en xullo de 2019 cando regresaba do Festival de Ortigueira.
Por Europa Press / Redacción | SANTIAGO DE COMPOSTELA | 27/08/2020 | Actualizada ás 10:06
Foron achado no lugar da Casanova, pertencente á parroquia da Barqueira, no municipio de Cerdido, a última hora da tarde deste mércores, 26 de agosto, restos óseos dun corpo humano, o que motivou que a zona fose precintada.
Segundo fontes consultadas por Europa Press, durante a mañá deste xoves está previstos que se despracen ao lugar axentes da Policía Científica e Policía Xudicial da Garda Civil, ademais de forenses, para proceder á retirada dos restos óseos e poder así tratar de determinar a súa identidade.
A zona estivo custodiada durante toda a noite por axentes da Benemérita. Os ósos foron localizados nunha zona apartada do tres vivendas que compoñen este núcleo rural.
IDENTIDADE
Tras o achado destes restos óusevos as especulacións sobre a identidade do corpo comezaron na zona. Así, algunhas fontes consultadas barallan que se pode tratar de Yago de la Puente, o mozo da Coruña cuxa pista se perdeu o 14 de xullo de 2019 cando regresaba do Festival Internacional do Mundo Celta de Ortigueira.
De la Puente trasladábase nun tren de FEVE e a súa pista perdeuse na Estación de Cerdido, onde algunhas testemuñas aseguraron velo baixarse do convoi. Tras a súa desaparición despregáronse en varias ocasións varios dispositivo de procura, no que participaron Garda Civil, Protección Civil de varias localidades, ademais de familiares e amigos, que non logrou dar co seu paradoiro.
Entre a estación de tren de Cerdido e o lugar onde apareceron os restos óseos hai menos de dous quilómetros de distancia.
