Gonzalo Ortiz deixa a Dirección da Cámara de Comercio da Coruña tras 50 anos

O ata agora director xeneral da Cámara de Comercio da Coruña, Gonzalo Ortiz, deixa de estar á fronte deste cargo tras 50 anos, segundo informa o organismo cameral. Ortiz compatibilizou os cargos de secretario xeral (por oposición) e director xeral da entidade ata 2019. Desde entón, e ata a data, dedicouse en exclusiva á Dirección Xeral da entidade.

No cargo, substitúeo Manuel Galdo, nomeado director adxunto da entidade en xuño de 2020. Segundo a institución cameral, Galdo conta "cunha dilatada experiencia e un gran coñecemento do mundo empresarial e económico". Desempeñou, ademais, diferentes cargos na Xunta e na Univeridade da Coruña (UDC).

Gonzalo Ortiz, director xeral da Cámara de Comercio da Coruña. CÁMARA DE COMERCIO DA CORUÑA | Fonte: Europa Press