As UCI de Ferrol comezan a colapsar: están xa ocupadas nun 65%
Trasladado este domingo un terceiro paciente do Hospital Arquitecto Marcide de Ferrol ao HULA de Lugo.
Por Europa Press / Redacción | Ferrol | 18/01/2021 | Actualizada ás 09:54
Un paciente que estaba ingresado na Unidade de Coidados Intensivos (UCI) do Hospital Arquitecto Marcide de Ferrol foi trasladado este domingo a esa mesma zona de máximo coidado do Hospital Universitario Lucus Augusti (HULA) de Lugo, segundo trasladaron fontes da Consellería de Sanidade a Europa Press.
Segundo o Sergas, dita medida púxose en marcha en virtude do protocolo de colaboración entre centros sanitarios e recollida no Plan de Continxencia. Ademais, dita decisión tomouse para deixar espazo ante o posible empeoramento dalgúns dos pacientes que están hospitalizados en planta, e tendo en conta que as prazas de UCI están ocupadas nun 65%.
Trátase do segundo trasladado executado este fin de semana, tras o realizado con outros dous pacientes este sábado, día 16, mentres que a mediados de novembro do pasado ano xa se realizou a mesma operación con outro afectado por coronavirus.
