MásMóvil agarda ter pechada a compra de Euskatel en 3 meses
Na última xornada o proceso de adquisición vén de sufrir novos revulsivos da banda das dúas empresas.
Por E.P. | Santiago de Compostela | 31/03/2021 | Actualizada ás 15:27
Movemento de terras na compra de Euskatel. Capital Research and Management Company, Capital Income Builder e NN Group notificaron á Comisión Nacional do Mercado de Valores (CNMV) aumentos da súa participación en Euskaltel, da que todos son accionistas minoritarios, en vista á oferta pública de adquisición (OPA) de case 2.000 millóns de euros polo 100% do operador vasco lanzada o pasado domingo por MásMóvil.
Ningún deste tres accionistas se atopa entre os maioritarios --Zegona, Kutxabank e Alba Europe-- que asinaron acordos con MásMóvil para a venda do 52,32% da compañía.
Tendo en conta o prezo de 11,17 euros por título ofrecido por MásMóvil, en caso de concretarse a OPA, o fondo recibiría case 130 millóns de euros polo seu paquete accionarlial.
O conselleiro delegado de MásMóvil, Meinrad Spenger, trasladou que a compañía espera ter pechada a operación en aproximadamente seis meses. Para levala a cabo, a compañía emitirá bonos e recibirá un crédito para levantar 3.500 millóns de euros que lle permitan culminar a OPA e refinanciar a débeda de Euskaltel.
REBAIXA DE MOODY'S
Na mesma xornada, a axencia de cualificación crediticia Moody's puxo este mércores baixo unha revisión con tendencia á baixa as cualificacións crediticias de MásMóvil, e os seus instrumentos financeiros de débeda sénior, e Euskaltel pola oferta de operación pública de adquisición (OPA) da primeira sobre a segunda.
Ambas as compañías partían dunha cualificación crediticia de 'B1' que podería empeorar debido ao pulo á baixa que supón o elevado apalancamento que tería MásMóvil tras a compra do operador vasco, unha rebaixa que tamén sufrirían as súas cualificacións respecto da probabilidade de default da súa débeda, que se sitúan na escala 'B1-PD'.
Moody's sinala que o maior cociente de débeda respecto ao beneficio bruto de explotación (débeda/Ebitda) co que se pode manter a cualificación 'B1' é de cinco veces. No caso de que se culmine a operación, que será financiada con débeda, esta podería alcanzar un máximo de seis veces o Ebitda ata que se materialicen as sinerxías entre os dous grupos, polo que non encaixaría neste chanzo de cualificación.
