Extinguido o incendio declarado en Dodro e estabilizado outro no Bolo

O lume declarado no concello de Dodro (A Coruña), parroquia de Laíño, quedou extinguido tras queimar 0,13 hectáreas, segundo estimacións provisionais.

Segundo informa a Consellería do Medio Rural, o lume quedou apagado ás 19,44 horas. O incendio declarouse ás 18,19 horas. Traballaron unha motobomba, unha brigada e un axente.

Pola súa banda, un lume no concello do Bolo (Ourense), parroquia homónima, iniciouse sobre as 17,00 horas e estabilizouse pasadas as 19,00 horas. Polo momento, queima 2,5 hectáreas.

Nas tarefas para a extinción deste lume participan: dous avións, un helicóptero, tres motobombas, cinco brigadas e dous axentes.