O Instituto Tecnolóxico de Galicia, recoñecido como centro de referencia para intelixencia artificial
Por E.P. | SANTIAGO DE COMPOSTELA | 26/07/2021 | Actualizada ás 13:02
O Instituto Tecnolóxico de Galicia (ITG), con sede na Coruña, foi recoñecido como centro tecnolóxico español de referencia polo Ministerio de Ciencia e Innovación para definir e implementar solucións no sector empresarial baseadas na intelixencia artificial.
Deste xeito, o ITG convértese no único centro tecnolóxico galego elixido para participar en CEL.IA, a rede estatal de excelencia investigadora Cervera que axudará ás empresas, cunha dotación de 3,9 millóns de euros, a implementar nos seus procesos soluciones baseadas na intelixencia artificial (IA).
Nun comunicado, o centro tecnolóxico sinala que traballará en superar as barreiras para que esta tecnoloxía (e outras asociadas, como a realidade virtual e aumentada, a visión artificial ou o procesamiento de linguaxe natural) poidan ser incorporadas nos seus procesos de negocio.
O director da división TIC e Enxeñaría de Software en ITG, Óscar González Represas, destaca que "este recoñecemento supón un novo salto cualitativo que permitirá prestar máis e mellores servizos nos próximos anos á industria e ás empresas no ámbito da Industria 4.0".
Os enxeñeiros de ITG definen e implementan solucións dunha forma fácil e intuitiva, mediante o uso de interfaces de manexo sinxelo para usuarios que non necesitarán ter un alto nivel de especialización. Buscan facilitar ferramentas útiles para sectores como a industria, a enerxía e a saúde.
