A Sociedade Galega de Xinecoloxía rexeita "o recoñecemento" da violencia obstétrica na Lei de Saúde Sexual

A Sociedade Galega de Obstetricia e Xinecoloxía (SGOX) expresou o seu rexeitamento á inclusión do concepto de violencia obstétrica na reforma da Lei de saúde sexual e reprodutiva e interrupción voluntaria do embarazo e lamenta o apoio que está a recibir o recoñecemento legal deste termo por parte de "organizacións políticas e diversas asociacións e grupos mediáticos".

Segundo a entidade que preside Casimiro Bispo, apuntáronse "rapidamente a esta denuncia inxustificada pero con amplo impacto en base a intereses espurios, amparados en documentos que non superan os mínimos niveis de evidencia".

Os xinecólogos galegos agrupados nesta sociedade lembran que a xestación é "un proceso fisiolóxico complexo e, como tal, susceptible de complicarse", polo que esixe estar "cada vez máis preparados e informados os avances tecnolóxicos".

Ademais, apuntan que os profesionais deste ámbito sanitario teñen "un obxectivo principal: a redución das taxas de mortalidade e morbilidade materna e fetal mediante estratexias de detección de enfermidades que poden complicar a xestación, screening e asesoramento temperán ante malformacións fetales, redución de prematuridade..", para as que "achegan solucións mediante recomendacións e tratamentos baseados na maior evidencia e que son de uso común na maioría dos sistemas sanitarios".

A SGOX asegura que "baixo ningún concepto" poden subscribir nin aprobar o uso do termo violencia obstétrica "polo seu significado xurídico doloso, no que suxire como intención de causar dano, ánimo de lesionar ou denigrar con emprego de forza ou ameazas, tipificable penalmente para toda actividade relacionada coa ".

MAIORÍA FEMININA

Nese sentido, a organización recoñece que "poden darse distorsións na relación médico-paciente, con comportamentos reprobables ou intervencións alleas á boa praxe" que aseguran non xustificar "baixo ningún concepto", pero nega que sexan "práctica xeneralizada".

Ademais, a SGOX apunta que actualmente a representación das mulleres é "por moito maioritaria" na práctica obstétrica, polo que considera que "contemplar o exercicio obstétrico como un modo de violencia de xénero levaría ao absurdo de entendelo como unha práctica violenta exercida maioritariamente por mulleres sobre as pacientes xestantes só polo feito de ser mulleres".

Nesta liña, a SGOX lamenta que organizacións políticas e asociacións e grupos mediáticos se apuntaron "rapidamente a esta denuncia inxustificada pero con amplo impacto en bases a intereses espurios, amparados en documentos que non superan os mínimos niveis de evidencia".

Critica, así mesmo, que "múltiples opinadores que nunca pisaron unha sala de partos" pretendan "estigmatizar a moitos traballadores e traballadoras que conseguiron coa súa formación e dedicación contribuír aos bos resultados perinatales que ofrece a sanidade".

Por último, a entidade recoñece que "sempre hai marxe de mellora" e pon a disposición das autoridades sanitarias o seu asesoramento.