Falecen dúas persoas diagnosticadas con Covid-19

Sanidade comunicou o falecemento de dúas persoas diagnosticadas con coronarirus, co que o número de vítimas mortais ligadas á pandemia ascendeu este xoves a 2.483.

Así, fontes de Sanidade informaron do falecemento este mércores dun home de 93 anos de idade que permanecía ingresado no Complexo Hospitalario Universitario de Ferrol.

Igualmente, confirmouse o falecemento este xoves dunha muller de 90 anos de idade, ingresada no CHUAC. Tanto esta paciente como o home, presentaban patoloxías previas, segundo informou a Consellería.