Os casos de COVID en residencias de discapacidade redúcense a 16 en Galicia logo da alta de 15 persoas
Nas residencias de maiores baixan de 62 a 60 os usuarios con Covid, concentrados en once centros, tras falecer un da Residencia Val de Monterrei.
Por E.P. | SANTIAGO DE COMPOSTELA | 12/08/2021 | Actualizada ás 14:09
Os casos de Covid-19 en residencias de atención á discapacidade de Galicia descenden a 16 tras saír da lista por negativizar 15 no Fogar e Clínica de San Rafael de Vigo.
Así o informaron este xoves as consellerías de Sanidade e Política Social, que sinalaron que a única residencia de discapacidade con usuarios contaxiados, o Fogar e Clínica de San Rafael de Vigo, reduce a 16 os positivos.
Pola súa banda, nas residencias de maiores baixan de 62 a 60 os usuarios con Covid, concentrados en once centros, tras falecer un da Residencia Val de Monterrei --un home de 89 anos-- e saír da lista por negativizar outro da Concepción Arenal da Coruña.
Por tanto, a residencia Val de de Monterrei pasa de 25 a 24 usuarios contaxiados; a Santo Estebo de Perlío de Fene mantense con nove; seguen sete na Residencia de Ribadeo; seis na Vivenda comunitaria de Alfoz; cinco na Soremay de Pontevedra; tres na Santa Marta de Vigo; e dous na DomusVi Vigo.
Mentres, atópanse cun a residencia Concepción Arenal da Coruña --tras negativizar o outro caso que había--, a Caser A Zapateira, a de Chandrexa de Queixa e a Bo Día Magnolio.
