Éxito do Camiño dos Faros este verán a pesar da negativa das administracións a homologalo

O Camiño dos Faros rexistrou en 2021 un incremento de visitantes do 33 % respecto ao ano anterior, informou a Asociación O Camiño dos Faros. E iso, a pesar da negativa dalgunha administración local e da Xunta a homologalo oficialmente.

Desde a entidade agradeceron, nun comunicado, a "confianza2 posta no proxecto que comezou a impulsarse fai nove anos. Así, a asociación chama a seguir gozando dunha ruta "sustentable e responsable" que é "a columna vertebral" deste paraíso chamado Costa da Morte.

Por outra banda, indican que o tramo da segunda etapa entre Niñóns e Praia da Barda permanece pechado, por mor dun incendio que deixou algunha sección máis exposta.