A Xunta demanda en Bruxelas unha etiquetaxe ecolóxica que inclúa produtos pesqueiros e marisqueiros

A Xunta demandou en Bruxelas a configuración dun sistema de etiquetaxe ecolóxica que inclúa os produtos pequeros, de acuicultura e marisqueiros.

Nese sentido algunhas das 19 emendas presentadas por Galicia no 147 pleno do Comité Europeo das Rexións, onde o Executivo galego estivo representado polo director xeral de Relacións Exteriores e coa UE, Jesús Gamallo.

Segundo informa a Xunta, unha das demandas presentadas no ditame sobre economía azul e acuicultura estivo centrado no sistema europeo de etiquetaxe ecolóxica. Así, o Goberno galego reclamou que tamén se aplique aos produtos do mar extraídos e comercializados conforme á normativa pesqueira comunitaria.

Arquivo - Un pescador xubilado e patrón da Costa de Africa mostra unha centolla antes de vender o xénero na Lonxa de Burela, Lugo, Galicia (España), a 18 de decembro de 2020. O pasado 30 de novembro comezou a campaña extractiva da centolla e b. Carlos Castro - Europa Press - Arquivo

Outra das demandas foi a aposta pola enerxía oceánica para facela compatible coas actividades que levan a cabo na costa e respectuosa cos hábitats mariños. Para iso, a Xunta expón a creación dun marco normativo e financeiro acompañado dunha "simplificación dos procedementos de autorización e de acceso limitado ás augas nas que se desenvolven estas actividades económicas".