A Deputación de Ourense acolle unha exposición sobre a vida cotiá a través de 375 figuras en madeira

Desde este xoves, día 20 de xaneiro, ata o próximo 13 de marzo o Centro Cultural Marcos Valcárcel acolle a exposición 'Oxímoron. A árbore da vida', do escultor galego Álvaro de la Vega.

Na mostra, tal e como sinalou a Deputación de Ourense nun comunicado, o artista fai un relato sobre temas recorrentes e universais da vida cotiá a través de 375 figuras humanas realizadas no seu material preferido: a madeira.

A exposición, coa que o escultor volve mostrar a súa obra en Ourense tras unha longa paréntese, foi inaugurada na tarde deste xoves coa presenza do propio artista, acompañado pola deputada de Cultura, Patricia Torres, e o director do Centro Cultural, Francisco González.

Álvaro de la Vega exhibe na Deputación de Ourense un relato da vida cotiá a través de 375 figuras en madeira. DEPUTACIÓN DE OURENSE | Fonte: Europa Press