Feijóo sinala unha "profunda crise" no goberno local da Coruña tras a dimisión de Villoslada

O presidente da Xunta, Alberto Núñez Feijóo, avisou da "profunda crise" que atravesa o goberno local da Coruña tras a dimisión do edil Juan Díaz  Villoslada, unha situación que, segundo dixo, afecta a "outras concellerías".

" Villoslada era probablemente o concelleiro con maior formación que ten o goberno da Coruña", sostivo este xoves na rolda de prensa posterior á reunión do  Consello ao ser preguntado pola renuncia do concelleiro.

Así, destacou que  Villoslada "buscaba máis solucións para atopar posicións comúns" en cuestións como iniciar un albergue ou facilitar as expropiacións aos accesos do hospital da Coruña que "aínda están pendentes de conseguir".

Feijóo considerou que esta "profunda crise" é "mala" para "Galicia e para a cidade da Coruña". "Se o mellor concelleiro dimite por falta de apoio no seu labor e é o de urbanismo... Xa levamos dous o de urbanismo de Lugo e A Coruña. Isto acredita que Galicia así non pode traballar, con espera de licenzas que superan o ano", afirmou.