Inaugurada pola Deputación da Coruña a sinalización do segundo tramo do Camiño Inglés en Gran Bretaña

A Deputación da Coruña continúa a súa promoción do Camiño Inglés no nordeste de Gran Bretaña. O deputado provincial Antonio Leira inaugurou este fin de semana a sinalización do segundo tramo desta ruta xacobea en Bishop Auckland.

En presenza da alcaldesa da localidade, Katie Eliot, Leira cravou o sinal simbólico do Camiño a Santiago no chamado Parque dos Cervos.

Deste xeito, a Deputación continúa o seu labor de promoción do Camiño Inglés, sumándose esta acción á promoción xa feita da primeira etapa: desde o nacemento do Camiño Inglés, na abadía de Finchale, ata a catedral. Neste último tramo tamén colaborou a Xunta de Galicia, co financiamento da sinalización.

O deputado provincial Antonio Leira no Camiño Inglés. DEPUTACIÓN DA CORUÑA | Fonte: Europa Press