A Xunta destaca que o Camiño se está "afianzando" co "triplo de peregrinos" que hai un ano

O vicepresidente primeiro da Xunta e conselleiro de Turismo, Alfonso Rueda, remarcou que o Camiño se está "afianzando" en pleno Xacobeo, que na última semana, a primeira de abril, alcanzou o triplo de peregrinos que en todo o mes de abril de 2021.

De feito, entre o 1 e o 7 de abril, rexistráronse 3.300 peregrinos, cando na primeira semana do mes de abril de 2021 foron pouco máis de mil.

Un grupo de peregrinos pasa fronte a un cartel que indica o horario de misas mentres realizan o Camiño de Santiago, en Santiago de Compostela | Fonte: César Arxina - Europa Press - Arquivo.