A banda deseñada faise coas bibliotecas da Coruña

A rede de bibliotecas municipais do Concello da Coruña acollerá a próxima semana varios talleres de banda deseñada no marco do Festival Primaletras, inaugurado o pasado día 21 de marzo no centro sociocultural Ágora e que estenderá a súa programación ata o próximo 21 de maio.

"Aproveitando datas sinaladas como o Día da Poesía, o Día do Libro e o Día das Letras Galegas, o festival busca achegar á cidadanía o talento literario consagrado e recoñecido da escena galega", explica o consistorio. Cada día da semana terá lugar un taller de cómic nalgunha das bibliotecas municipais, da man de profesionais da banda deseñada como Julia Lago e Santy Gutiérrez.

'Operario', libro de banda deseñada de Jano