ONG coruñesas poderán financiar proxectos de cooperación internacional coa axuda da Deputación da Coruña
Por outra banda, a Biblioteca Provincial acolleu este xoves a presentación do catro primeiros volumes que recollen a obra completa de Manuel Lourenzo e na que participaron, ademais do propio dramaturgo, o vicepresidente da Deputación, Xosé Regueira, e o presidente da Federación Galiza Cultura, Xosé Manuel Carril.
Por E.P. | A CORUÑA | 28/04/2022 | Actualizada ás 18:39
A Deputación da Coruña destinará este ano 300.000 euros ás liñas de axudas para o financiamento, en colaboración con ONGs e asociacións sen ánimo de lucro da provincia, de proxectos de axuda ao desenvolvemento e cooperación internacional, aumentando en 70.000 euros o orzamento destinado para tal fin no anterior exercicio, segundo informa.
As bases destas axudas acaban de publicarse no Boletín Oficial da Provincia (BOP). Están abertas á concorrencia das entidades que traballen no campo da cooperación internacional, a axuda humanitaria e á educación para o desenvolvemento e que teñan domicilio social na provincia da Coruña.
Por outra banda, a Biblioteca Provincial acolleu este xoves a presentación do catro primeiros volumes que recollen a obra completa de Manuel Lourenzo e na que participaron, ademais do propio dramaturgo, o vicepresidente da Deputación, Xosé Regueira, e o presidente da Federación Galiza Cultura, Xosé Manuel Carril.
A edición e publicación das 300 pezas teatrais que conforman a obra de Manuel Lourenzo estará terminada a mediados de xuño nun total de sete volumes, editados e publicados pola Federación Galiza Cultura cunha subvención do organismo provincial.
