Culturgal ten nova directora, Eva Alonso
Cunha extensa experiencia na produción, tanto nas artes escénicas como no audiovisual, desde hai dúas décadas, a nova directora do Culturgal é, ademais, socia da empresa cultural Chiripa e responsable de varios documentais.
Por E.P. | SANTIAGO DE COMPOSTELA | 17/05/2022 | Actualizada ás 21:03
Eva Alonso (Santiago de Compostela, 1982) é a persoa seleccionada como nova directora da feira das industrias culturais Culturgal.
A directiva da Feira, con representantes da Asociación Galega de Editoras, AGEM, Agapi, Escena Galega e Eganet, seleccionou o proxecto da produtora como o "máis apropiado para a etapa de renovación" do modelo feiral.
Cunha extensa experiencia na produción, tanto nas artes escénicas como no audiovisual, desde hai dúas décadas, a nova directora do Culturgal é, ademais, socia da empresa cultural Chiripa e responsable de varios documentais.
Coa incorporación da nova dirección, a edición de 2022 da feira ponse en movemento para desenvolver, durante o verán, as diferentes liñas de traballo.
A cita anual da cultura galega celebrará a súa 15 edición en 2022, e será do 25 ao 27 de novembro en Pontevedra.
