Falece o actor Chete Lera nun accidente de tráfico en Málaga

O intérprete Chete Lera, faleceu este xoves nun accidente de tráfico ocorrido no municipio malagueño do Rincón de la Victoria, tal e como confirmou a Academia de Cinema. O intérprete galego resultou falecido nun accidente de tráfico rexistrado no municipio de Rincón de la Victoria, tras saírse o coche que conducía da calzada e caer por un desnivel de ao redor de 50 metros.

Segundo informou Emerxencias 112, sobre as 18,50 horas deste xoves, o teléfono 112 recibiu a chamada dunha testemuña que informaba de que un turismo sufrira un accidente e caera por un desnivel ata un río seco na Rúa do Río, xunto a unha zona de viveiros. Fontes policiais confirmaron que o coche saíu da calzada e caeu por unha costa empinada duns 50 metros ata unha plantación.

Gañador o premio a Mellor Actor do Festival de Málaga de 2002 xunto ao resto do reparto de 'Smoking Room', de Julio Wallovits e Roger Gual, Lera tamén desenvolveu unha importante carreira sobre as táboas, onde foi dirixido por José Luís Gómez, Lluís Homar ou Gerardo Beira, entre outros.

''La ardilla roja', de Julio Medem; 'Secretos del corazón', de Montxo Armendáriz; 'Familia' e 'Barrio', de Fernando León de Aranoa; 'Abre los ojos', de Alejandro Amenábar; 'Flores de otro mundo', de Iciar Bollain ou 'Plenilunio', de Imanol Uribe, son algunhas das máis de 50 películas nas que interveu.

Chete Lera, nunha imaxe de arquivo | Fonte: Europa Press