Feridos dous nenos nun accidente de tráfico en Petín

Dous nenos resultaron feridos leves ao saírse da vía o coche no que viaxaban e chocar contra outro vehículo estacionado en Petín (Ourense). Os menores foron evacuados ao centro hospitalario de referencia.

Segundo informa o 112 Galicia, ocorreu sobre as 16,15 no lugar de Freixido de Abaixo. A esa hora, unha persoa particular chamaba para avisar deste sinistro.

Seguidamente, a central de emerxencias pasou o aviso a Urxencias Sanitarias-061, aos Bombeiros, ao GES de Valdeorras, aos axentes da Garda Civil de Tráfico e aos voluntarios de Protección Civil da localidade.

Ambulancia do 061 | Fonte: 061-GALICIA - Arquivo.