Un raio provocou un incendio nun gasoduto en Santiago

Os raios que caeron entre as 20,00 horas do xoves e as 8,00 horas do venres provocaron un total de 52 incendios en Galicia. Un deles, produciuse nunha zona de monte da parroquia de Figueiras, en Santiago de Compostela. En concreto, este raio caeu sobre un eucalipto situado encima dun gasoduto, o que provocou unha fisura e a posterior perda de gas.

Segundo explicou a Europa Press o xefe do parque de bombeiros de Santiago, Manuel Sanmartín, sobre as 8,20 horas deste venres, os bombeiros de Santiago recibiron o aviso dunha columna de fume en Figueiras. Nese momento, desprazáronse ata o punto e observaron como unha columna de fume saía directamente do chan.

Así, comprobaron que ese punto coincidía exactamente co lugar polo que pasa un gasoduto, polo que procederon a localizar á empresa subministradora do gas para que cortase o abastecemento. Finalmente, a compañía responsable enviou a dous técnicos ata o lugar sobre as 15,00 horas.

Así mesmo, os Bombeiros de Santiago dispuxéronse a refrigmxerar e a controlar o incendio mediante unha cortina de auga para evitar a expansión da área afectada.

Dous bombeiros nun incendio forestal na parroquia de Cubilledo, no municipio de Baleira, comarca da Fonsagrada, a 18 de agosto de 2021, en Lugo | Fonte: Carlos Castro - Europa Press - Arquivo