Unha vixiante da Coruña denuncia que foi agredida por percebeiros furtivos

Unha vixiante da Confraría de pescadores da Coruña denunciou este luns unha agresión sufrida o pasado sábado por parte duns percebeiros furtivos na zona das Lagoas, no paseo marítimo da cidade herculina. Así o confirmaron a Europa Press fontes próximas á investigación que informaron de que "hai unha persoa identificada e localizada como autora deste feito".

"O Xulgado de Garda xa ten coñecemento do ocorrido", engadiron. Segundo detallaron estas fontes, a gardapesca agredida "xa tiña unha agresión previa" nun brazo e no transcurso do altercado agravouse a lesión.

Dúas persoas pasean polo paseo marítimo da Coruña, co estadio de Riazor de fondo, a 3 de maio de 2020 | Fonte: M. Dylan - Europa Press.