Ferido un menor ao ser alcanzado por un raio na praia de Vilarrube, en Valdoviño
os servizos sanitarios reanimaron ao menor e trasladárono "estable e con pulso" ao Hospital Arquitecto Marcide de Ferro
Por Europa Press / Redacción | SANTIAGO DE COMPOSTELA | 09/08/2022 | Actualizada ás 14:29
Un menor resultou ferido este martes tras ser alcanzado por un raio na praia de Vilarrube, no municipio coruñés de Valdoviño.
Segundo trasladou o 112 Galicia, minutos despois das 12,00 horas, varias persoas particulares que se atopaban no areal contactaron coa central de emerxencias para pedir axuda para un neno que ao parecer fora alcanzado por un raio e quedara inconsciente.
Con esta información, o Centro Integrado de Atención ás Emerxencias de Galicia puxo a situación en coñecemento dos profesionais de Urxencias Sanitarias de Galicia-061, que desprazaron ata o lugar a un helicóptero medicalizado.
Xa no punto, os servizos sanitarios reanimaron ao menor e trasladárono "estable e con pulso" ao Hospital Arquitecto Marcide de Ferrol. No operativo de emerxencias tamén participou a Garda Civil e a Policía Local.
