Cancelados catro voos desde Santiago pola folga de tripulantes de cabina de Ryanair

Ryanair cancelou este martes catro voos como consecuencia da folga de tripulantes de cabina (TCP) convocada polos sindicatos USO e Sitcpla. Os voos cancelados cubrían a ruta entre Santiago de Compostela e Madrid e Santiago de Compostela e Fuerteventura, segundo informaron os sindicatos.

Así mesmo, ata as 9,00 horas deste martes producíronse 30 atrasos, sendo os aeroportos máis afectados o de Barcelona, con sete demoras, e os de Madrid, Palma de Mallorca, Málaga e Alacante, con seis atrasos cada un.

A nova folga consta de xornadas de paros de 24 horas, de luns a xoves, semanalmente. Os sindicatos sinalaron que Ryanair non mostrou "o máis mínimo intento de achegamento" con eles, senón que manifestou publicamente a súa negativa a establecer calquera diálogo cos representantes elixidos polos seus tripulantes.

A primeira quenda de paros de luns a xoves en Ryanair en agosto saldouse con 18 voos cancelados e 784 atrasos no conxunto do dez basees nas que a compañía aérea opera en España.