Un estudo cifra entre 1.256 e 2.376 euros ao mes o custo dunha persoa coidadora na Coruña
OCU remarca que "as axudas da lei de dependencia poden sufragar parte do custo ou suplir parte do servizo, pero tardan meses en conseguirse".
Por Europa Press / Redacción | A CORUÑA | 24/08/2022 | Actualizada ás 13:09
Un estudo da Organización de Consumidores e Usuarios (OCU) sitúa entre 1.256 e 2.376 euros ao mes o custo dunha persoa coidadora na Coruña, segundo sinala en referencia á contratación dunha empresa especializada. "Se se necesita un coidador interno, o custo incrementarase entre 18 e 170 euros máis", apunta.
Nun comunicado, remarca que "as axudas da lei de dependencia poden sufragar parte do custo ou suplir parte do servizo, pero tardan meses en conseguirse e só cobren a empresas concertadas como Servizo de Axuda a Domicilio Autonómico, apenas o 20% das analizadas na Coruña".
OCU recomenda confirmar, ademais, que a persoa teña titulación como auxiliar de xeriatría ou enfermaría. Na Coruña, precisa, contan con elas o 40% das empresas, ademais de referencias doutros particulares. Para este estudo, a Organización de Consumidores e Usuarios (OCU) estudou a oferta de 10 empresas de atención a domicilio a persoas maiores na cidade herculina.
