Un interno de Teixeiro rompeulle a mandíbula a outro dunha patada por negarlle un cigarro

A Audiencia Provincial da Coruña celebrará este martes un xuízo no que piden seis anos de prisión para un interno do cárcere de Teixeiro que lle rompeu a mandíbula dunha patada a outro que se negou a darlle un cigarro.

Segundo o escrito da Fiscalía, os feitos ocorreron o 18 de xuño de 2017 sobre as 12,45 horas na sala de día do módulo residencial número 12 do citado centro. Despois de que a vítima rexeitase darlle o cigarro, o acusado, sen mediar palabra, propinoulle unha patada na cara.

As lesións, tal e como constan no parte médico que recolle o informe do Ministerio Público, tardaron en curárselle un total de 80 días. Tras esta agresión, quedaron varias secuelas, entre elas a perda completa dun molar.

Por estes feitos, o interno enfróntase a seis anos de prisión por un delito de lesións, con agravante de reincidencia. Ademais, Fiscalía pide que indemnice á vítima con 13.140,81 euros e ao Servizo Galego de Saúde (Sergas) polos gastos derivados da asistencia sanitaria prestada.

Centro penintenciario de Teixeiro