Máis de 3.000 deportistas participaron na carreira pedestre de Santiago

Uns 3.500 corredores déronse cita na mañá deste domingo na XLIII Carreira Pedestre Popular Camiño de Santiago, que encheu as rúas da capital galega e que un ano máis finalizou na Praza do Obradoiro.

O vicepresidente segundo e conselleiro de Presidencia, Xustiza e Deportes da Xunta, Diego Calvo, foi o encargado de dar o pistoletazo de saída á competición desde a rúa Xoán XXIII ás 10,00 horas.

Finalmente, o gañador na categoría masculina foi Paulo Barboso, Pablo Otero quedou segundo e Anxo Castro foi o terceiro clasificado.

Na categoría feminina, a primeira en cruzar a liña de meta foi a venezolana Joselyn Brea, seguida de Edymar Brea e de Laura Santos.

O vicepresidente segundo e conselleiro de Presidencia, Xustiza e Deportes, Diego Calvo, dá o pistoletazo de saída da XLIII Carreira Pedestre Popular Camiño de Santiago.. XUNTA - XOÁN CRESPO | Fonte: Europa Press