Morre unha persoa ao ser atropelada en Vilasantar

Unha persoa morreu na tarde deste mércores ao ser atropelada por un vehículo no municipio coruñés de Vilasantar, segundo informou 112 Galicia.

A persoa perdeu a vida no punto quilométrico 29 da AC-840. Ata o lugar desprazáronse equipos de sanitarios que tentaron salvarlle a vida aínda que sen éxito.

Así mesmo, Bombeiros de Arzúa, Garda Civil de Tráfico, Protección Civil e o Grupo de Emerxencias Supramunicipal de Curtis, GES, desprazáronse ao lugar.

Traballadores de ambulancias do 061 | Fonte: xunta.gal