A nova Lei de Universidades impedirá aos colexios maiores adscritos á universidade pública segregar por sexo

A nova Lei Orgánica de Universidades (LOSU), que se atopa nestes momentos en tramitación parlamentaria no Congreso dos Deputados, impedirá aos colexios maiores adscritos á universidade pública segregar por sexo, tras admitirse unha emenda presentada por Más País-Equo. Así o confirmaron este luns o líder de Más País, Íñigo Errejón, e a deputada de Más País-Equo Inés Sabanés en senllas publicacións nas súas contas de Twitter.

"Conseguímolo: non haberá colexios maiores adscritos á universidade pública que separen por xénero. Acabáronse os Elías Ahuja co diñeiro de todos. Así será na nova Lei de Universidades a proposta nosa", subliñou Errejón.

Pola súa banda, Sabanés sinalou que os comportamentos machistas "non deben ter cabida na universidade pública". "Grazas á proposta de Más País-Equo os colexios maiores adscritos á universidade pública non poderán segregar por sexo", afirmou.