Tres voos con destino Galicia desviados por culpa do temporal este xoves

A "meteoroloxía adversa" rexistrada en Galicia nas últimas xornadas obrigaron a desviar ata tres voos que tiñan como destino distintos aeroportos da Comunidade nas últimas horas.

En concreto, na tarde deste xoves, dous voos que se dirixían a Vigo aterraron finalmente en Santiago de Compostela. Segundo informan fontes de AENA consultadas por Europa Press, un deles procedía de Madrid e outro de Tenerife.

Tamén un voo que partiu da capital española ata A Coruña tivo que regresar a Madrid debido ao temporal que sufría Galicia.

Un avión despegando dun aeroporto | Fonte: Eduardo Parra - Europa Press.