O PSdeG denuncia que a Xunta só executou no 2021 un 32,9% dos fondos que tiña para vivenda
Propón axudar a mozos e familias en materia de transportes con prestacións e compensacións.
Por E.P. | SANTIAGO DE COMPOSTELA | 26/12/2022 | Actualizada ás 13:25
O PSdeG presentou este luns unha proposición non de lei de iniciativa popular que ten como obxectivo aprobar un plan de choque que mozos e ás familias en materia de transporte público, sometido "a unha lenta, pero progresiva degradación en canto á calidade e á frecuencia".
Esta proposición susténtase en cinco eixos principais entre os que está a ampliación das prestacións de mobilidade existentes para mozas de entre 21 e 30 anos ou a compensación aos usuarios cuxos viaxes sufran algún tipo de atraso.
Ademais, solicitan a supresión das limitacións temporais que impoñen as concesionarias para a expiración da validez dos bonos e o cumprimento "rigoroso" dos pregos de contratación. Tamén piden que todos os concellos dispoñan, como mínimo, dun traxecto diario de ida e volta que os comunique cos adxacentes.
Segundo sinalou a viceportavoz do Grupo Socialista, Begoña Rodríguez Rumbo, a mocidade "é unha das grandes esquecidas dentro da comunidade autónoma", xa que" o traballo que atopan non é de calidade suficiente e tampouco hai vivendas alcanzables".
Nesta liña, Rodríguez Rumbo insistiu en que a Xunta no ano 2021 "só foi capaz de executar un 32,9% dos fondos que tiña para vivenda", dos cales "case todos veñen do Goberno do Estado". Así, indicou que "esperamos que en 2023 sexan quen de executalos na súa totalidade, cando sabemos que os datos dos mozos no rexistro de vivendas de promoción pública e non descende".
Pola súa banda, o secretario xeral das Xuventudes Socialistas de Galicia, Xurxo Doval, apuntou que o 60% dos concellos galegos teñen menos de 5.000 habitantes e que o transporte público "debería de funcionar como unha ferramenta de cohesión social".
