Intoxicación de dous mozos pola mala combustión dunha caldeira en Ordes

Dous mozos, un deles menor, víronse afectados pola mala combustión dunha caldeira en Ordes, polo que tiveron que ser evacuados este domingo con síntomas compatibles con intoxicación por monóxido de carbono.

Segundo a información recollida polos xestores do 112 Galicia, os feitos ocorreron nun domicilio do lugar do Casal, na parroquia de Vilamaior, en Ordes.

Ata alí acudiron os bombeiros, que puideron comprobar como a mala combustión dunha caldeira de leña contribuíu para xerar unha acumulación nociva de gas na habitación dos mozos, o que lles provocou unha sensación de desorientación e somnolencia.

Ambos os afectados, un deles menor de idade, foron trasladados ao PAC polos efectivos do servizo de urxencias sanitarias. Unha vez finalizada a intervención, os Bombeiros de Ordes procederon a ventilar o inmoble.

Foi o persoal do 061 o que deu aviso do suceso ao fío das 7,30 horas. Nada máis ter constancia dos feitos, os xestores do 112 pasaron aviso aos Bombeiros de Ordes, aos axentes da Garda Civil, á Policía Local e tamén aos membros de Protección Civil da localidade.

Ambulancia do 061. 061-GALICIA - Arquivo