Máis de cen Anpas recibirán axudas para cofinanciar os servizos de comedor escolar xestionados por estas entidades
En función do número de usuarios de cada comedor, a subvención por menús oscilará entre os 55 e os 65 céntimos ao día, mentres que na convocatoria anterior a axuda máxima era de 50 céntimos.
Por E.P. | SANTIAGO DE COMPOSTELA | 24/01/2023 | Actualizada ás 14:31
O Diario Oficial de Galicia (DOG) publicou este martes a resolución pola que total de 125 asociacións de nais e pais (Ampas) de centros públicos recibirán axudas para cofinanciar os servizos de comedor escolar xestionados por estas entidades.
Deste xeito, en función do número de usuarios de cada comedor, a subvención por menús oscilará entre os 55 e os 65 céntimos ao día, mentres que na convocatoria anterior a axuda máxima era de 50 céntimos.
Segundo sinalou a Xunta nun comunicado, o incremento da axuda por cada menú ten como finalidade "frear o impacto que a inflación desbocada está a ter na prestación do servizo por parte das Ampas". Así, o orzamento total da convocatoria ascende a 1,2 millóns de euros.
Nesta liña, o importe das axudas irá destinado tamén á "vixilancia e coidado do alumnado durante o uso do servizo, os gastos de mantemento, persoal e limpeza, así como os de materiais e utensilios".
A Xunta indicou que esta liña de actuación enmárcase nas medidas de aforro ás familias este curso, que conta cunha partida de 107 millóns de euros, e que chegan a outros ámbitos como o universitario.
